Urukiko Rwisumbuye rwa Rusizi muri iki cyumweru rwaburanishije urubanza Ubushinjacyaha buregamo umugabo w’imyaka 41 icyaha cyo gusambanya umwana we w’imya ka 17 .
Ubushinjacyaha bwagaragarije urukiko ko uwo mugabo uregwa gusambanya umwana we yamubyaye akiri umusore, amaze gushaka amuzana iwe. Yatangiye kumusambanya mu mwaka wa 2019 amuteye inda umugore we aramurega ariko kubera ko umuryango watangiye kumutoteza byatumye ajya kumushinjura n’inda yari yaramuteye iburirwa irengero bikekwa ko yakuwemo.
Ubusinjcyaha Bukuru dukesha iyi nkuru buvuga ko uregwa atacitse ku ngeso ye kuko yongeye kumutera inda muri Kamena 2020 ,ivukamo umwana w’umuhungu muri Werurwe 2021 bituma abaturanyi batanga amakuru atangira gukurikiranwa.
Ubushinjacyaha bwagaragarije urukiko ibimenyetso bigizwe n’ubuhamya bw’abajyanama b’ubuzima bakurikirana ababyeyi na raporo y’abahanga mu gupima ibimenyetso bikoreshwa mu butabera bapimye ADN bakemeza ko uregwa ari se w’umwana wabyawe n’uwahohotewe.
Bushingiye ku ngingo ya 4 y’itegeko y’itegeko No 69/2019 ryo ku wa 08/11/2019 rihindura itegeko No 68/2018 ryo ku wa 30/08/2018 riteganya ibyaha n’ibihano muri rusange, Ubushinjacyaha bwamusabiye igifungo cy’imyaka 25.
Biteganyijwe ko urubanza ruzasomwa ku itariki ya 19 Ukwakira 2022 saa munani.
