Minisiteri y’Ubuzima mu Rwanda kuri uyu wa 8 Kamena 2020 yatangaje mu Karere ka Rusizi hagaragaye abantu 12 banduye icyorezo cya Covi-19 mu bipimo 1928 byafashwe.
Abakize iki cyorezo bageze kuri 297 barimo 7 b’uyu munsi.
Abarwayi banduye bashyizwe mu kato n’abo bahuye bahise bakurikiranwe.
Muri rusange abamaze kugaragaraho iki cyorezo muri iki gihugu ni 451 abantu 152 ni bo bakirwaye. Abishwe nacyo ni babiri barimo umushoferi w’imyaka 65 y’amavuko n’umupolisikazi w’imyaka 24 y’amavuko.
Rusizi yugarijwe cyane na Covid-19 kuva ku wa 31 Gicurasi
- Tariki ya 31 Gicurasi, aka karere kagaragayemo abantu 5 banduye.
- Tariki ya 1 Kamena, hagaragaye abanduye 7 biganjemo abo muri Rusizi.
- Tariki ya 2, ntabwo imibare igaragaza aho abanduye 7 bagaragaye.
- Tariki ya 3, Rusizi yagaragayemo abanduye 13.
- Tariki ya 4 , Rusizi yagaragayemo abanduye 13.
- Tariki ya 5, Rusizi na Rusumo hagaragaye abanduye 10.
- Tariki ya 6, Rusizi na Rusumo hagaragaye abanduye 11.
- Tariki ya 7, Rusizi yagaragayemo abanduye 8.
- Uyu munsi tariki ya 8, Rusizi yagaragayemo abanduye 12.
