Minisiteri y’Ubuzima mu Rwanda kuri uyu wa 24 Nyakanga 2020 yatangaje ko abamaze kwandura icyorezo cya Covid-19 biyongereyeho 19 mu bipimo 2491 byafashwe.
Kigali yabonetsemo abanduye 12 bahuye n’abanduye mu bice byibasiwe n’imidugudu iri mu kato. Rusizi yabonetsemo 5, Nyamasheke ibonekamo 1 na Kirehe ibonekamo 1.
Abamaze gukira iki cyorezo bageze kuri 900 barimo 11 b’uyu munsi.
Muri rusange abamaze kugaragaraho iki cyorezo mu Rwanda ni 1729, abakirwaye bageze kuri 824. Ibipimo byose byafashwe ni 233,667.
Batanu ni bo kimaze kwicira mu Rwanda barimo umusaza w’imyaka 65 y’amavuko, umupolisi w’imyaka 24 y’amavuko, umusirikare w’imyaka 51 y’amavuko, umusaza w’imyaka 78 y’amavuko n’umukecuru w’imyaka 88 y’amavuko.
