Abaturage bagera kuri miliyoni 18 muri Sudan, barembejwe n’inzara yaturutse ku ntambara ikomeje gushyamiranya igisirikare cya Reta ndetse n’abarwanyi ba Rapid Suport Force( RSF) batavuga rumwe n’ubutegetsi.
Ni intambara yatangiye mu mwaka ushize, ikaba ikomeje guhanganisha impande zombi.PAM itangaza ko hakenewe ubutabazi muri iki Gihugu, bitabaye ibyo inzara ikaba yateza akaga gakomeye ku Banya-Sudan kuko ubufasha bwabonetse ari 12% bw’ubukenewe.
Kugeza ubu abasivile barenga ibihumbi 15 bamaze kwicwa. naho mu byumweru bibiri bishize, abasivile barenga 123 barishwe, abandi hafi 1 000 barakomereka mu Ntara ya Darfur.
Imiryango mpuzamahanga ishinja inzego zifite aho zihuriye n’igisirikare kwinjiza abana bato mu gisirikare mu gihe amamiliyoni menshi y’abaturage yavuye mu byabo arahunga.
