Uwahoze ari Perezida wa Sudani, Omar al Bashir, kuri uyu wa Gatandatu yagejejwe mu rukiko ashinjwa ku mugaragaro ibyaha bifitanye isano na ruswa anemera ko yakiriye miliyoni 25$ azihawe n’Igikomangoma cyo muri Arabia Saoudite.
Omar al-Bashir wahoze ari Perezida wa Sudan yashinjwe ku mugaragaro ibyaha bya ruswa no gutunga amadevise mu buryo bunyuranyije n’amategeko.
Ibiro ntaramakuru by’Abongereza byatangaje ko Bashir yavugiye mu rukiko kuri uyu wa Gatandatu ko yakiriye miliyoni $25 azihawe n’igikomangoma Mohammed bin Salman cy’Arabia Saoudite.
Gusa yavuze ko ayo madolari atayakoresheje ku bibazo bye bwite. Uburyo Omar al-Bashir yaba yarakoreshejemo ayo madolari nti buramenyekana.
Urukiko Mpanabyaha Mpuzamahanga rwashinje uyu mugabo w’imyaka 75 wahoze ari ayobora Sudan, gukora ibyaha by’intambara, ibyaha byibasiye inyoko muntu na jenoside kubera ibikorwa bye mu gihe cy’intambara yabaye mu karere ka Darfur muri Sudan.
Mu kwezi kwa Gatanu, Bashir yashinjwe kugira uruhare mu iyicwa ry’abantu bigaragambyaga barwanya ubutegetsi bwe.
