Kuri uyu wa Gatatu, Umuyobozi w’Ingabo z’ubutumwa bw’Umuryango w’Abibumbye muri Sudani y’Epfo (UNMISS), Lt Gen Mohan Subramanian, yasuye Ingabo z’u Rwanda (Rwanbatt-1) ku cyicaro cyazo, mu kigo cya Tomping cy’Umuryango w’Abibumbye (UN Tomping Base Camp) , i Juba. Yari aherekejwe n’abayobozi b’ingabo b’imirenge y’Amajyepfo ndetse n’Umurenge wa Juba.
Umuyobozi w’ingabo za Rwanbatt-1, Lt Col Emmanuel Ntwali, yamwakiriye kandi amusobanurira uko umutekano uhagaze ndetse n’ibikorwa byakorewe aho bashinzwe gukorera.
Umuyobozi w’ingabo yashimye Ingabo z’u Rwanda ku ruhare rwazo ku bikorwa byiza byo kurinda abaturage aho bashinzwe ndetse no kurinda ikigo cya UNMISS i Juba. Yabasabye gukomeza umuvuduko no gukomeza gukora itandukaniro mu gushyira mu bikorwa inshingano za UNMISS.
Yashimangiye kandi ko ari ngombwa kumva no gushyira mu bikorwa amategeko agenga imikoranire mu gihe hagamijwe guhangana n’umutekano mucye uwo ari wo wose ndetse no gufata ibyemezo n’ibikorwa bikwiye mu kurinda abaturage.
Kuri ubu Rwanbatt-1 yoherejwe i Juba, muri Leta ya Central Equatorial na Torit, muri Leta ya Eastern Equatorial muri Sudani y’Epfo.
Kugeza ubu u Rwanda rufite Batayo eshatu n’ishami ry’indege zoherejwe i Juba, Durupi, Torit na Malakal mu butumwa bwa UNMISS.
