Kuri iki Cyumweru, itariki 25 Mutarama, Igisirikare cya Sudani y’Epfo cyasabye ko abaturage, imiryango itabara imbabare, ndetse n’abakozi ba Loni kuva mu turere tugenzurwa n’abatavuga rumwe n’ubutegetsi muri Leta ya Jonglei mbere y’igitero gikomeye cya gisirikare.
Mu magambo ye, Umuvugizi w’Igisirikare cya Sudani (SSPDF), Maj. Gen. Lul Ruai Koang yagize ati: “Imiryango itegamiye kuri leta n’abakozi ba UNMISS bakorera mu bice bya Nyirol, Uror na Akobo bahawe amasaha 48 yo kugenda,”
Yavuze ko abasivili bo muri utwo turere bagomba kwimukira mu turere tugenzurwa na guverinoma kugira ngo bizere umutekano wabo, mu gihe ingabo zitegura ikiswe “Operation Enduring Peace” cyo kurwanya umutwe utavuga rumwe n’ubutegetsi bwa Sudani (SPLA-IO).
Yongeyeho ati: “Abasivili bafite intwaro bazasangwa bikatisha imbere cyangwa mu nkengero z’ibirindiro bya SPLA-IO, hamwe n’ahantu bateranira bazafatwa nk’ibipimo bya gisirikare byemewe.”
Koang yavuze ko abasivili bitwaje imbunda kimwe n’abatari mu mutwe wa White Army uvugwaho gukorana na SPLA-IO, bagomba kujyana intwaro zabo mu birindiro bya SSPDF bibegereye kandi bakimukimukana n’imiryango yabo n’amatungo bakajya mu turere tugenzurwa na leta.
Ubutumwa bwa Loni muri Sudani y’Epfo (UNMISS) ku Cyumweru bwagaragaje impungenge ku makuru avuga ko umuyobozi mukuru w’ingabo yasabye ingabo gutera abasivili muri Leta ya Jonglei.
Bwavuze kandi ko abantu barenga 180.000 bivugwa ko bavanywe mu byabo muri Jonglei kubera kwiyongera kw’imirwano hagati y’impande zashyize umukono ku masezerano y’amahoro yo mu 2018.
