Kuri uyu wa Gatatu, itariki ya 8 Ukwakira, Perezida wa Leta Zunze Ubumwe za Amerika, Donald Trump yasabye ko Umuyobozi w’Umujyi wa Chicago, Brandon Johnson (wirabura) na Guverineri wa Leta ya Illinois, J.B. Pritzker, bafungwa, ashinja aba bayobozi b’Abademokarate batowe ko bananiwe kurinda abaolisi b’urwego rushinzwe abinjira n’abasohoka (ICE).
Abinyujije ku rubuga rwe nkoranyambaga Truth Social, Perezida Trump yanditse ati: “Umuyobozi wa Chicago akwiye kuba muri gereza azira ko yananiwe kurinda abakozi ba ICE! Na Guverineri Pritzker!” .
Chicago, umujyi munini muri Illinois n’uwa gatatu mu bunini muri Amerika, ni ho haheruka kugaragara politiki y’imitsi ya Perezida wa Leta Zunze Ubumwe za Amerika mu guhashya bikomeye abinjira mu gihugu mu buryo butemewe n’amategeko, ibyo bikaba byarakuruye ibirego byo guhonyora uburenganzira bwa muntu n’igitugu, imyigaragambyo, n’imanza.
Igipolisi gishinzwe abinjira n’abasohoka (ICE), abakozi bacyo baba bipfutse mu maso boherejwe mu mijyi myinshi yiganjemo abademokarate, bashingwa gukora akazi kabo neza.
