Ku mugoroba wo kuri uyu wa Kabiri, itariki 01 Kanama 2023, Perezida wa Tunisia, Kaà¯s Saà¯ed, yafashe icyemezo cyo “guhagarika ku mirimo ye” Minisitiri w’Intebe, Najla Bouden, umugore wa mbere wayoboye guverinoma muri Tunisia.
Nta bisobanuro byatanzwe nyuma yo kwirukanwa ku wa Kabiri, mbere gato ya saa sita z’ijoro, kwa Minisitiri w’intebe Najla Bouden. Perezida Kaà¯s Saà¯ed yahise agena mu mwanya we Ahmed Hachani, kugeza ubu wakoraga muri Banki Nkuru ya Tunisia kandi wize mu ishami ry’amategeko muri kaminuza ya Tunisia aho Kaà¯s Saà¯ed yigishaga, nk’uko byatangajwe na Ahmed Hachani kuri Facebook.
Nk’uko bigaragara muri videwo yashyizwe ahagaragara na perezidansi, umuyobozi mushya wa guverinoma, utazwi na gato na rubanda rusanzwe, yahise arahirira imbere ya Perezida Saà¯ed nk’uko iyi nkuru dukesha RFI ivuga.
Najla Bouden yashyizweho na Kaà¯s Saà¯ed ku itariki ya 11 Ukwakira 2021, hashize amezi arenga abiri perezida amaze kwiharira ububasha bwose ku itariki ya 25 Nyakanga yirukana Minisitiri w’intebe w’icyo gihe ndetse agasesa Inteko Ishinga Amategeko.
Igihugu kiri mu bibazo bya politiki
Kuva icyo gihe, Perezida Kaà¯s Saà¯ed ayobora igihugu akoresheje iteka. Itegeko Nshinga yahinduye muri referendumu mu mpeshyi yo mu 2022, ryagabanije cyane ububasha bw’Inteko Ishinga Amategeko rishyira ububasha bwose mu maboko ya perezida-perezida.
Inteko nshya y’abadepite yatangiye imirimo mu mpeshyi ya 2023 nyuma y’amatora y’abadepite, mu mpera za 2022, yamaganwe n’amashyaka atavuga rumwe n’ubutegetsi kandi yangwa n’abatora bitabiriye ku rugero rukabakaba 10%.
