Umutwe wa Twirwaneho ushinzwe kurengera abanye-Congo bo mu bwoko bw’Abanyamulenge, ku wa Kabiri watangaje abayobozi bashya barimo Perezida wawo bashyizweho.
Twirwaneho isanzwe iri mu mitwe igize ihuriro Alliance Fleuve Congo (AFC) rirwanya ubutegetsi bwa Repubulika Iharanira Demokarasi ya Congo.
Itangazo uyu mutwe wasohoye ku wa Kabiri, ryerekana ko Prof. Freddy Rukema Kaniki wari usanzwe ari Visi-Perezida wa AFC ari we Perezida wawo.
Abandi bahawe inshingano zo kuyobora uriya mutwe ni Général de Brigade Charles Sematama wagizwe Visi-Perezida wungirije ushinzwe ibya gisirikare n’umutekano, akanaba Umugaba Mukuru w’Ingabo.
Ni mu gihe uwitwa Mugisha Alexis yagizwe Visi-Perezida wa kabiri ushinzwe imiyoborere, Politiki na Dipolomasi; na ho Kibasumba Adèle agirwa Umunyamabanga Mukuru wa Twirwaneho.
