Kuri uyu wa Gatanu, Minisiteri y’umutekano w’imbere mu gihugu mu Budage yatangaje ko indege icyuye Abanyafuganisitani yahagurutse ku kibuga cy’indege cya Leipzig kizwi nka Halle Airport.
Nibwo bwa mbere Abanyafuganisitani birukanwe mu gihugu cy’u Budage kuva Abatalibani bafata ubutegetsi i Kabul muri Kanama 2021.
Mu magambo ye, umuvugizi wa guverinoma, Steffen Hebestreit, yagize ati: “Aba bari abenegihugu ba Afuganisitani, bose bahamwe n’ibyaha badafite uburenganzira bwo kuguma mu Budage kandi hakaba harasohawe icyemezo cyo kubasubiza iwabo”.
Biravugwa ko Indege ya Qatar Airways yari itwaye Abanyafuganisitani 28 bavanywe muri leta zitandukanye z’u Budage yahagurutse i Leipzig, Umujyi munini muri Leta ya Saxony yo mu burasirazuba bw’u Budage, yerekeza i Kabul saa kumi n’ebyiri n’iminota 56 za mu gitondo (0456 GMT).
Minisiteri y’umutekano w’imbere mu Budage niyo yateguye icyo gikorwa nk’uko byemezwa na Deutsche Welle.
