Minisiteri y’ingabo y’u Bufaransa yatangaje ko u Bufaransa bwakuye ingabo zabwo za nyuma muri Repubulika ya Centrafrica (CAR) .
Minisiteri yavuze ko abasirikari 130 b’Abafaransa bari basigaye muri Centrafrica, mu rwego rw’ubutumwa bw’ibikoresho, MISLOG, bavuye mu gihugu, kandi ko ubwo butumwa butagifite “ishingiro ry’ibikorwa.”
Itangazo ryasohowe riragira riti: “Inkambi ya M’Poko yashyikirijwe mu buryo bukwiye abayobozi ba Centrafrica ku ya 13 Ukuboza.”
Umubano wabaye mubi hagati y’u Bufaransa na Centrafrica mu 2021 nkuko iyi nkuru dukesha Anadolu Agency ivuga.
Paris yahagaritse ubufatanye bwa gisirikare n’iki gihugu ku ya 7 Kamena 2021, igishinja kuyobora ibikorwa byo kurwanya u Bufaransa, itangaza ko ingabo zabo za nyuma zizava mu murwa mukuru Bangui, mbere y’impera za 2022.
Bangui na yo yambuye u Bufaransa guhagararira ambasade zose z’amahanga muri Centrafrica mu Gushyingo 2022, ububasha bwari bwarahawe ba ambasaderi b’u Bufaransa bose muri iki gihugu kuva mu 1960.
