U Burusiya buravuga ko ingabo zabwo zafashe Umujyi wa Kurakhove uri mu burasirazuba bwa Ukraine mu karere ka Donetsk.
Uyu mujyi wahuye n’iterambere ry’ingabo z’u Burusiya mu mezi ashize kandi ni inzira igana mu mu mujyi w’ingenzi wa Pokrovsk.
Ukraine ntiyigeze yemera ifatwa rya Kurakhove, umujyi uri ku birometero 35 mu majyepfo ya Pokrovsk nk’uko iyi nkuru dukesha BBC ivuga.
Imirwano ikaze nayo yubuye mu Karere ka Kursk ko mu Burusiya mu minsi yashize nyuma y’uko Ukraine igabye igitero cyo gusubiza inyuma Ingabo z’u Burusiya ku Cyumweru.
Ishusho yafashwe ku mbuga nkoranyambaga kandi yerekanwa n’Ibiro Ntaramakuru, Reuters, isa nkaho yerekana umusirikare ufashe ibendera ry’u Burusiya i Kurakhove. Amashusho ntabwo yagenzuwe na BBC.
Viktor Trehubov, umuvugizi w’umutwe w’ingabo za Khortytsia muri Ukraine, yatangarije Ibiro Ntaramakuru Reuters ko, guhera mu gitondo cyo kuri uyu wa Mbere ushize, Ingabo za Ukraine zari zikomeje guhangana n’Ingabo z’u Burusiya muri Kurakhove.
Kurakhove ihuzwa na Pokrovsk n’imihanda igizwe n’ibikorwa remezo byo gutwara ingabo n’ibikoresho ku murongo w’imbere w’urugamba.
Umusesenguzi Roman Pohorily yavuze ko ifatwa rya Kurakhove ryemerera Ingabo z’u Burusiya kujya mu majyaruguru gutera Pokrovsk ziturutse mu cyerekezo gishya.
