U Bwongereza biciye muri Minisiteri yabwo y’Ububanyi n’Amahanga, bwasabye abaturage babwo bari mu mujyi wa Goma kuhava mu maguru mashya.
Iyi Minisiteri mu butumwa yashyize hanze, yasabye Abongereza bari i Goma “gukoresha uburyo bushoboka” bakahava, abatarahinjira nabo bagahagarika ibyo bikorwa.
U Bwongereza bwasabye abaturage babwo kuva i Goma, mu gihe imirwano ikomeye hagati y’inyeshyamba za M23 n’ihuriro ry’ingabo za Leta ya RDC ikomeje gusatira uyu mujyi.
Ku wa Kane tariki ya 23 Mutarama, M23 biciye muri Lawrence Kanyuka uyivugira mu bya Politiki yatangaje ko iteganya kwigarurira Goma.
Ati: “Abaturage ba Goma baratesetse cyane, nk’abandi banye-Congo. AFC/M23 iri mu nzira ijya kubabohora kandi bagomba kwitegura guha ikaze uko kubohorwa. Ntabwo bakwiye kugira icyo batinya: AfC/M23 igiye kubazanira amahoro.”
M23 yatangaje ko igiye gufata Goma nyuma y’amasaha make yirukanye Ingabo za Sake mu wundi mujyi wa Sake wo muri Teritwari ya Sake.
