I Muscat, intumwa z’abayobozi b’u Rwanda zasinyanye amasezerano ane (4) na bagenzi babo bo muri Oman mu rwego rwo kurushaho kunoza ubufatanye bw’u Rwanda na Oman mu bijyanye na: Serivise z’ibikoresho, harimo guteza imbere ibyambu byo ku butaka n’ibikorwa, hamwe na serivisi zijyanye n’ibikoresho no gutanga amasoko; Ubwikorezi, gukora ingendo z’indege hagati ya Muscat na Kigali hamwe na Oman Air izatangira ingendo guhera muri Kamena.
Mu bijyanye n’Iterambere hagati ya RDB, na Sosiyete Icunga Ibibuga by’Indege bya Oman iteganya ishoramari hafi y’ikibuga cy’indege gishya cya Bugesera.
Hari amasezerano kandi muri ICT no Guhanga Udushya, hagati ya Minisiteri za ICT mu Rwanda na Oman, birimo kubika amakuru no kuyakira, serivisi zo kubika amakuru kuri clouds, no kubika amakuru bisanzwe muri ‘data centres’.
Minisitiri Nduhungirehe kandi yagiranye ibiganiro na Badr albusaidi, Minisitiri w’ububanyi n’amahanga wa Oman.
Ibiganiro byibanze ku gushimangira ubufatanye bw’u Rwanda na Oman mu nzego zifatika z’inyungu hagati y’impande zombi.
Minisitiri Olivier Nduhungirehe, ari kumwe n’abayobozi bakuru muri Guverinoma y’u Rwanda, banahuye na Ing. Saeed bin Hamoud Al-Maawali, Minisitiri w’ubwikorezi, itumanaho n’ikoranabuhanga muri Oman. Bunguranye ibitekerezo ku bufatanye mu gutwara abantu, ibikoresho, na ICT.
Intumwa z’u Rwanda zanabonanye na H.E. Sultan bin Salem Al-Habsi, Minisitiri w’imari wa Oman. Ibiganiro byabo byibanze ku gucukumbura ahantu hakorwa ubufatanye mu rwego rw’imari.
