Ingabo za Angola ni zimwe mu zikomeye ku mugabane wa Afurika, zikaza ku mwanya wa 66 mu bihugu 140 nk’uko raporo ya Global Fire Index itegurwa n’urubuga Global Fire Power yasohotse muri uyu mwaka ibyerekana.
Iyi raporo yerekana ko ingabo z’iki gihugu zirwanira mu kirere, FANA (Força Aérea Nacional de Angola) zihagazeho cyane kuri uru mugabane bitewe n’ubwinshi bw’ibikoresho zifite.
Global Fire Index 2021 yerekana ko FANA ifite indege zose hamwe zibarirwa muri 300 zirimo: iz’intambara, iz’ubwikorezi, izoherezwa muri misiyo zihariye, iz’imyitozo ndetse na za kajugujugu z’ubwoko butandukanye.
Raporo yitwa ‘World Air Forces’ y’urubuga Flight Global rw’igitangazamakuru DVV Media Group rukusanya amakuru atandukanye ajyanye n’indege yerekana umubare w’indege ingabo za FANA ifite, ubwoko bwazo n’imirimo buri yose ikoreshwa.
Ibikoresho bya FANA
Raporo World Air Forces yerekana ko FANA ifite ibikoresho birimo: indege z’indwanyi zijyamo abantu batarenze babiri (umupilote n’umufasha), izoherewa mu butumwa (misiyo) bwihariye, iz’ubwikorezi, kajugujugu z’intambara ndetse n’izifashishwa mu myitozo.
Indege z’indwanyi izi ngabo zifite zirimo: 6 za Embraer EMB-314 zakorewe muri Brazil, 23 za Mikoyan MiG-21, 22 na 22 za MiG-23 zakorewe mu Burusiya, 14 za Sukhoi Su-22, 12 za Su-25 na 13 za Su-27/30 zakorewe mu Burusiya.
Indege zoherezwa muri butumwa zihariye zirimo: 1 ya C21 (MPA)1 n’indi ya Citation I (MPA).
Indege zifashishwa mu bwikorezi bw’ibikoresho bya gisirikare zirimo: 8 za Antonov An-12, 1 ya Antonov An-26, 5 za Antonov An-31 n’5 za Antonov An-72 zakorewe mu Burusiya, 1 ya CASA C-212 yakorewe muri Indonesia, 6 za Ilyushin Il-76 zakorewe mu Burusiya n’2 za Xian MA60 zakorewe mu Bushinwa.
Kajugujugu z’intambara za FANA zirimo: 2 za AgustaWestland AW109 n’4 za AgustaWestland AW139 zakorewe mu Butaliyani, 9 za Bell212 zakorewe muri Leta Zunze Ubumwe za Amerika, 66 za Mil Mi-8/17/171 zakorewe mu Burusiya, 15 za Mil Mi-15 zakorewe mu Burusiya n’izindi za Aérospatiale Gazelle zakorewe mu Bufaransa zigera muri 30.
Indege zifashishwa mu myitozo zigera kuri 54, zirimo: 12 za Embraer EMBS-312, 6 za Hongdu JL-8 (K-8) zakorewe mu Bushinwa, 6 za Aero L-29 Delfin na 4 za Aero L-39 Albatros zakorewe muri Repubulika ya Czech, 22 za Pilatus PC-7 n’4 Pilatus PC-9 zakorewe mu Busuwisi.
Kurikira ibiganiro n’amavidewo binyura kuri Bwiza TV
