Imibare y’urubuga Worldo meters yerekana isegonda ku rindi uko icyorezo cya COVID-19 cyifashe ku Isi, yerekana ko iki cyorezo kimaze kugera mu bihugu 198 hirya no hino ku Isi.
Abamaze kwandura iki cyorezo ni 472,030 ku Isi, mu gihe abo kimaze guhitana kugeza ubwo twakoraga iyi nkuru ari 21,297
Abantu 114,713 ni bo bamaze Gukira kiriya cyorezo, mu gihe abakikirwaye ari 336,020.
Abantu 321,221 bangana na 96% by’abarwaye Coronavirus barwaye byoroheje, mu gihe 14,799 bangana na 4% by’abayirwaye barembye cyane.
Igihugu cy’Ubutaliyani ni cyo kiza imbere mu byashegeshwe na COVID-19, kuko mu bantu barenga 74,000 bamaze kuyandura, 7,503 imaze kubahitana.
Ikindi gihugu ni Espagne ibarizwamo ababarirwa muri 49,500 banduye icyorezo cya Virusi ya Corona, mu gihe kimaze guhitana 3,647.
Icyitonderwa: Iyi mibare yicara ihindagurika
