Igipolisi cya Islamabad cyatangije iperereza ku bwicanyi nyuma y’uko umwangavu wari icyamamare ku mbuga nkoranyambaga arasiwe iwabo. Aya makuru yongeye gutera impungenge z’umutekano w’abagore, cyane cyane ab’ibyamamare.
Kuri uyu wa Kabiri, Igipolisi i Islamabad nibwo cyatangaje ko barimo gukora iperereza ku iyicwa rya Sana Yousaf w’imyaka 17 nyuma yo gusanga yarasiwe iwabo.
Iyicwa ry’uyu mwangavu uzwi cyane, wari ufite abamukurikirana barenga miliyoni hirya no hino kuri TikTok na Instagram, ryongeye gutera impungenge z’umutekano w’abantu bazwi kuri interineti muri Pakisitani, cyane cyane abakobwa bakiri bato.
Ibizwi ku byerekeye ubu bwicanyi
Bivugwa ko Polisi yanditse ikirego ku muntu ukekwaho icyaha nyuma y’ikirego cya nyina wa Yousaf,
Malik Asif wo kuri Sitasiyo ya Polisi ya Sumbal yabwiye DW ati: “Ubu bwicanyi bwabereye mu rugo rw’uwahohotewe kandi bigaragara ko bwakozwe n’umuntu bari baziranye.”
Asif ati: “Ukekwa yari umushyitsi umenyereye, ibyerekana umubano wari hagati yabo.”
Urubuga rw’amakuru, Dawn, rwavuze amakuru ya polisi ya mbere avuga ko umugabo yinjiye mu rugo rw’umuryango ahagana mu ma saa tanu z’ijoro kuwa Mbere, arasa Sana kabiri mu gatuza.
Yahise ajyanwa mu bitaro ariko apfa azize ibikomere. Uyu ukekwaho icyaha ngo yaba yahunze aho kandi ntaratangazwa ku mugaragaro.
Nyina wa nyakwigendera yavuze ko ukekwaho icyaha yari afite “isura nziza, ifite umubiri n’uburebure buringaniye,” kandi yari yambaye ishati y’umukara n’ipantaro.
Yavuze ko we na muramukazi we wari wabasuye babonye ibyabaye kandi ko bazashobora kwerekana ukekwaho icyaha.
Nyina yongeyeho ko umuhungu we w’imyaka 15 atari ari mu rugo kuko yari yagiye mu mudugudu wabo kavukire mu gihe muramukazi we yari yabasuye iminsi mike.
Sarah Yousaf yamenyekanye cyane ku mbuga nkoranyambaga kubera videos yashyiragaho. Yari afite abantu bamukurikirana hafi 800,000 kuri TikTok ndetse n’abagera ku 500,000 kuri Instagram.
Yamenyekanye cyane kubera videos Yakoraga ku muco, Uburenganzira bw’abagore, no guteza imbere urubyiruko.
