Ku Cyumweru hari hashize iminsi 100 kuva imirwano itangiye hagati ya Israel na Hamas, yatewe n’igitero by’ubugome cya Hamas cyo ku itariki ya 7 Ukwakira mu majyepfo ya Israel. Nubwo umubare w’abahitanwa n’ubu, kuri ubu, bidashoboka kugereranywa neza na neza, ntawabura gushidikanya ko abantu bamaze gupfa ari benshi nubwo hari abasanga utabigereranya na jenoside nk’iyakozwe mu Rwanda.
Ni nyuma y’uko abantu benshi bakomeje kuvuga ko Israel irimo gukora “itsembabwoko” muri Gaza. Urukiko mpuzamahanga rw’ubutabera (ICJ) rwateranye mu cyumweru gishize kugira ngo rusuzume ibimenyetso byerekana ko Israel yarenze ku Masezerano ya Jenoside yo mu 1948, rwumva ingingo z’uwareze Israel ari we, Afurika y’Epfo.
Mu gihe iburanisha ryambere ryarangiye ubu, urukiko mpuzamahanga ruzagira icyo ruvuga ku miterere y’urubanza rwa Afurika y’Epfo mu byumweru biri imbere.
Ikirego cyatumye bamwe bagerenya ubwicanyi bwabereye muri Gaza hamwe n’ubwicanyi bw’itsembabwoko bwakorewe ubwoko bw’ubwoko bw’Abatutsi mu myaka mirongo itatu ishize mu Rwanda: “Iminsi 100 yo kwica u Rwanda.” Ngo iyo urebye neza zo ngero zombie ubona ko ibrego bishinjwa Israel utabigereranya na Jenoside yakorewe Abatutsi nk’uko umwanditsi Rahim Mohamed avuga mu nyandiko yacishije mu kinyamakuru Morning Post.
Mu gihe cy’iminsi 100 mu 1994, abicanyi bishe abantu basaga miliyoni, biganjemo Abatutsi. Benshi mu bahohotewe bishwe hakoreshejwe imihoro n’izindi ntwaro gakondo, harimo n’ibikoresho byinshi byo mu rugo. Radiyo na zo zagize uruhare runini mu gukangurira Abahutu kwica Abatutsi, ibyo Rahim avuga ko ntabikorwa muri Gaza.
Nubwo nta koranabuhanga ryari rihari riteye imbere icyo gihe, ubukangurambaga bw’Abahutu bwagize ingaruka mbi. Abantu bagera ku 10,000 byibuze bicwaga buri munsi.
Rahim ati “Tekereza icyo Israel, kimwe mu bihugu bifite igisirikare gikomeye kandi gifite ikoranabuhanga rihambaye, cyari gukora muri yo minsi (100) iyo kijya mu bukangurambaga nyabwo, buhurijwe hamwe bwo gutsemba abaturage ba Palesitine.”
Yakomeje avuga ko “Imibare muri Gaza ntaho ihuriye na jenoside. Ndetse unafashe imibare yemezwa n’ubuyobozi bushnzwe ubuzima muri Gaza ibarirwa ku 23,968 by’Abanyapalestine bapfuye, ibi bivuze ko hapfaga abantu bari munsi ya 240 ku munsi kandi hafi 1% by’abatuye Gaza”.
Uyu mwanditsi akomeza avuga ko ubwicanyi bwo muri Gaza budakwiye kureberwa, nta kintu na kimwe waheraho ubugereranya na Jenoside yakorewe Abatutsi n’izindi jenoside zo muri iki gihe cya vuba.
Yatanze urugero rwa jenoside yo muri Srebrenica mu 1995, aho Abaseribiya bo muri Bosnia bishe Abayisilamu barenga 7.000 mu cyumweru kimwe, bakamenesha abandi 20.000.
