Mu gihe yavuze ko yiteguye kugira uruhare mu gushakira igisubizo cy’ikibazo cy’umutekano, ukuza kwa Joseph Kabila Kabange wahoze ari umukuru w’igihugu, i Goma, umurwa mukuru w’Intara ya Kivu y’amajyaruguru uyobowe n’inyeshyamba za M23 / AFC , bifatwa n’ubuyobozi bwa Tshisekedi nk’uburyo bwo gushaka “kugira ikibazo cy’Abanyekongo” ikibazo gifite inkomoko hanze y’igihugu. Aha baba bashaka kuvuga u Rwanda nk’uko Umuvugizi wa Guverinoma yongeye kubishimangira.
Nk’uko byatangajwe n’Umuvugizi wa Guverinoma, Patrick Muyaya kuwa Gatatu, ngo mu myaka itari mike ishize, Repubulika ya Demokarasi ya Congo ihanganye n’umwanzi witwa u Rwanda, ari na yo mpamvu y’ibiganiro bikomeje gukorwa n’abunzi ba USA. Ku bwe, guverinoma ye ntishobora guta igihe ku bashaka kugira roles za kabiri mu bushotoranyi bw’u Rwanda.
Mu kiganiro n’abanyamakuru ku itariki 27 Gicurasi, Muyaya yagize ti “Tumaze imyaka ibiri mu rugamba rwo kurwanya u Rwanda, mu by’ukuri ntitugomba kwibagirwa ko umwanzi turimo kuganira kuri ubu, cyane cyane i Washington DC, kugira ngo tubone ibisubizo, ari u Rwanda. Nta mpamvu yo gutekereza ko dushobora kwemera kurangara no guha amahirwe abafite uruhare rwa kabiri ku Rwanda, iri ni ihame ridakwiye kwibagirwa, ntabwo dukeneye hano kugira ikibazo cy’Abanyekongo ikibazo cyaturutse hanze kandi cyagaragajwe mbere na mugenzi wacu Julien Paluku Kahongya…… ”
Agaruka ku magambo ye ya nyuma asobanura uwahoze ari Umukuru w’igihugu nk ‘”umuntu wo mu bihe bya kera”, Patrick Muyaya yizera ko ubutumwa bwoherejwe na Joseph Kabila mu ijambo aherutse kuvuga bwari ubutumwa bw’intambara.
Ati: “Navuze mu minsi yashize ko perezida w’icyubahiro ari umuntu wo mu bihe bya kera, mu by’ukuri iyo ubyibutse, wibaza ikibazo kijyanye no gukuraho igitugu mumbwire ko turi mu rwego rwa demokarasi aho we n’umuryango we wa politiki bahisemo kutitabira amatora mu gihe muza kuvuga ko mugiye gukuraho igitugu, muzabukuraho mu buhe buryo? Ni ngombwa kubwira abo dusangiye igihugu bari i Goma cyangwa mu bindi bice by’igihugu byigaruriwe, ubutumwa bubagenewe nimwitegure tugiye gukora intambara, ntabwo ari ngombwa kwihisha.”
Kuri uyu munyamuryango wa Guverinoma ya Suminwa, igihugu nticyifuza gusubira inyuma. Ku bwe, DRC ntigifite umwanya wo gusubira muri ruswa, cyangwa ubwumvikane.
Muyaya yakomeje agira ati: “Igihe navugaga ko ari umuntu wo mu bihe byahise, mu by’ukuri ni byo byashize Abanyekongo batagikeneye: amateka y’intambara, amateka yo kumvikana n’amabuye y’agaciro yacu, cyane cyane n’u Rwanda, ahahise ha ruswa, twamaze kubivuga bihagije ko atari byo kandi uyu munsi ndatekereza ko twese tugomba kwibanda kuba inyuma y’umukuru w’igihugu Félix-Antoine Tshisekedi ku kuntu twarangiza intambara n’u Rwanda. Dufite umwanya muto wo gukoresha mu magambo agamije kudusubiza mu bihe byashize tugomba kwibagirwa rwose. ”
Nyuma yo guceceka igihe kirekire, uwahoze ari umukuru w’igihugu, Joseph Kabila Kabange, yagize icyo avuga ku micungire y’iki gihugu kuva yahererekanya ubutegetsi na Félix-Antoine Tshisekedi. Mu isesengura ry’ibibazo, Joseph Kabila yashushanyije RDC mu ishusho yijimye kandi irimo akajagari y’imibereho na politiki, ubukungu n’umutekano mucye.
Joseph Kabila Kabange yamaganye icyo yise “imiyoborere idasanzwe” ku butegetsi bw’uwamusimbuye, Félix Tshisekedi. Mu bibazo byavuzwe harimo ruswa, kunyereza umutungo wa Leta, no gukoresha nabi ubutegetsi kugeza aho “ubushake bw’umukuru w’igihugu ubu bwasimbuye amategeko y’ikirenga, busumba Itegeko Nshinga n’andi mategeko.”
Ku bwe, ingaruka z’iyi miyoborere zigaragara cyane ku baturage no ku rubyiruko ni: ubushomeri, ibirarane by’imishahara, gusubira inyuma kw’imibereho, guhunga icyaro, ibyaha byo mu mijyi, inzara, n’ibindi.
