Guverineri w’Intara ya Kivu y’Amajyepfo muri Repubulika Iharanira Demokarasi ya Congo, Théo Kasi, yatangaje ko umusirikare wasinze akica abaturage 14 muri Teritwari ya Uvira yatawe muri yombi kuri uyu wa 7 Kanama 2020.
Uyu musirikare yafatiwe n’urubyiruko mu giturage cya Nyangezi cyegereye umujyi wa Bukavu, rufatanyije n’abashinzwe umutekano. Byabaye mu masaha y’ijoro.
Guverineri Kasi yemeje aya makuru
Tariki ya 30 Nyakanga 2020 mu masaa mbiri y’ijoro ni bwo uyu musirikare wari ufite imbunda, yahiye arasa buri wese ahuye na we mu muhanda wo mu giturage cya Sange muri Uvira. Abatangajwe baguye muri uru rugomo ni 14, abakomeretse ni 9.
Byatumye abaturage ba Sange bajya mu muhanda bakora imyigaragambyo, basaba ko Leta yakurikirana uyu musirikare, bakabona ubutabera uko bikwiye.
Uyu musirikare yafashwe nyuma y’amakuru abaturage bagiye bahanahana n’ubuyobozi ndetse n’abashinzwe umutekano. Guverineri Kasi yijeje abaturage ko agomba gukurikiranwa uko bikwiye, agahanirwa icyaha yakoze.
Uyu musirikare ni we warashe abaturage
