Umukunzi w’umukino wa Hockey ukomoka muri Slovakia w’imyaka 44, yikururiye gutabwa muri yombi nyuma yo gufatwa n’abapolisi b’u Butaliyani amaze igihe yihisha ubutabera yarashyiriweho impapuro zo kumuta muri yombi.
N’ubwo yashakishwaga n’abayobozi b’u Butaliyani, umugabo yaremeye asubira muri iki gihugu agiye kureba ikipe y’igihugu cye (Slovakia) ya Hockey mu Mikino Olempike yo mu Itumba iri kuhabera, nk’uko ibitangazamakuru byo mu Butaliyani byabitangaje, bikesha amakuru igipolisi.
Polisi yavuze ko uyu mwenegihugu wa Slovakia yari amaze imyaka 16 yarashyiriweho impapuro zo kumuta muri yombi kubera ubujura butandukanye.
Bashoboye kumukurikirana baramufata nyuma yo kwinjira muri guest house iherereye mu nkengero za Milan nk’uko inkuru dukesha Deutsche Welle ikomeza ivuga.
Igipolisi cyavuze ko yajyanywe muri Gereza ya San Vittore kugira ngo akore amezi 11 n’iminsi 7 y’igifungo yakatiwe kubera ubujura yakoze mu 2010.
Ntiyabashije no kureba umukino ikipe ya Hockey ya Slovakia yanyagiyemo Finland ibitego 4-1 kuri Santagiulia Arena mu Mujyi wa Milan kuwa Gatatu, itariki 11 Gashyantare 2026.
